w

w W W W 9451 octets W W

W W W W W

bulgare italien W W W W W W W W W W W

W W

parti1

U CORSU INSEGNATU !

Seremuci eppuru junti a falla sbuccià e fiurì torna, in stu veranu 71 , a cara favella materna, cum'e cinquant'anni fà, a u bellu tempu di " A MUVRA " e di l' " ANNU CORSU ", quand'ella ricuccava a più pudè, in ogni paese e cità di l'Isula, e, soprattuttu, vedeli piglià u so' veru postu naturale, logicu, nicessariu, di paru, e micca daretu, a a lingua francese ?

Bisogna, di certu, a ùn cantà vittoria troppu in furia, perchè ùn si sà mai, a nostra lingua còrsa avendu, ella dinù, tanti nemici e avversarj - e di i più accaniti, si sà a di quant'é, e per gran disgrazia, micca tutti cuntinentali.

Ma ciò ch'ellu si pò accertà, senza nisun sbagliu, ghié chi mai, sin'a stu jornu, ùnn ebbe stu successu datuli da giurnali, riviste, libri, dischi, radio e ancu televisione. Serìa, mi pare, cum'e una cunsecrazione officiale chi puderìa, questa, intervene bellu prestu si ogni Còrsu, discitendusi eppuru e aprendu, infine, i so' occhj abendati sin'a quì, si dessi una crìa solu di rumenu e pigliassi veramente parte a sta santa cruciata, cum'ella i precura e incita, da tant'anni e senza stancassine mai, a nostra Rivista.

parti2

Allora sì chi sta vox populi, assai megliu che tutt'altra prova, d'un populu e d'una razza chi vole cunservà l'idioma di i so' antichi, simbulu di e so' belle virtù, ferìa assai più che tutt'altru per a rinascita di u còrsu.

Cuntentemuci, per oghie, di u successu ch'elli ebbenu, ghiorni scorsi, l'insegnanti curtinesi, u nostru amicu Ghiuvanni LUCIANI, in testa - perchè n'é unu maiò di vede più di cent'allevi scrivesi a u primu corsu di còrsu - e sperendu tantu chi st'esempiu serà seguitatu in Bastia, in Aiacciu e in tutt'e cità e paesoni di l'Isula. L'esempiu ch'ellu ci dede u principale di u liceu di Corte, chi capì subitu e favurizò massimamente st'insegnamentu, averìa da cummove più d'un Cumpatriottu e, dinù, incità parecchj, sinon tutti, direttori di CES isulani a fanne altr'e tantu.

Un ci scurderemu di mintuà u successu ch'elli ottennenu u nostr'altru amicu, u prufessore ETTORI, e i so' cullaburatori còrsi, accugliendu a Aix, più di cent'allevi, elli dinù quist'annu, dopu avè principiatu cu 5, in 69 ; dinù, quellu di e facultà di Nizza e di Grenoble, di e quale si derà. prestu, detaglj più impurtanti, si spera.

parti3

Per circustanze cuntrarie, ùn pobbi cullà in Corte per assiste a sta prima lezzione di còrsu, a a quale, ben intensu, si duvìa d'esse presente u direttore di sta rivista chi si prupunì ghiustamente creendula, di .salvallu e di vedelu insegnatu. Mi ne inscriscì moltu, ma a miò gioia era immensa e ferma, quand'eiu leghiu : " les cours de langue corse débutent ce soir " o " la langue corse, première télévisée ". A dilla franca, senza disperà però - chi s'éiu avessi disperatu, é da gran tempu ch'averebbi lasciatu tuttu in pianta, l'annoi e i .strapazzi unn essendumi mancatu da u 1955 - principiàva, quantunque, a dubbità una criùccia, di pudè ghiunghie a u scopu finale. custatendu cum'elli fermavanu vani, inefficaci tanti sforzi, fatiche, sacrifizj d'ogni sorte, tante cherse verbale o scritte, tante picchiate a l'usciu d'i nostri rapresentanti per interessalli a u còrsu cum'e per incitalli a intervene in so' favore - eccezzione fatta di u sgiò merre di Bastia, chi, essendu tandu deputatu, si fece u nostru interpreta e punì l'amendamentu chi no' li prupunìimu, nant'a u scagnu di u Parlamentu, ma di u quale pare ch'ellu si ne sìe scurdatu, oghie - e, dimula francamente dinù, vistu a tamanta indiffarenza di i Còrsi in generale, pochi inchjni a salvà a so' favella.

Ma soga u Signore, chi làscia fà ma ch'ùn làscia trafà, ùn vulìa chi u còrsu sparissi e u miraculu si fece, una volta torna. Sappiàmulu mette a prufittu, perchè serà, di sicuru, l'ultimu.

Ben intensu, ci laudemu assai a u " MUNTESE " e a " LINGUA CORSA " d'avè cuntribuitu a salvallu da a morte chi li stringhia a l'else.