#RSS 2.0 Atom 1.0 alternate alternate * Soninkara.com roraqe * Haqlifaraaxira * soninkara.com gansindira * woyindiraanun gemunra * Bologu * Natalinu * Na o safa * daaxan tagemoxo ____________________ ____________________ plg_search_jfcore Search - Downloads Search - Blog, cook, directory... Search - Forum Search - Categories Search - Contacts Search - Articles Search - Feed Search - Weblinks Search - Events Search - Tags Jokkinde (BUTTON) Jokkinde ____________________ ____________________ (BUTTON) Jokkinde [ ] Remember Me Forgot your password? ____________________ ____________________ Toxo safande (BUTTON) * Français Français * English English Harinakoota, 22 Sooma 2016 22:19:39 Xa da o ñi 1400684181 facebook square 1400684195 twitter square 1400684205 google square 1400684219 youtube square color [INS: :INS] soninkara [INS: :INS] [INS: :INS] * Ka * Gansindu + Xibaaru kurunbo o Ganbi o Maali o Senegaali o Moritani o Doosiye o Manankunme o Wulliye o Marande o Fiinu tananu o Jamanfalle o Soro tuwinto o Geesunde o Haadamaren kafo o Fatanbakke o Danqanaaxun tuwaaxu o Kafumaqe o Yonkisaha o Kawaafi o Kiite + Safandi marante + Kitaabin danbe + Feddu + Seedalenmaaxu + Fatanbakke + Sooninkara xibaaru + Jiida xibaarindu * Danbe - ñiiñen tuwaaxu + Danbe + ñiiñen tuwaaxu + Xiisanu * Serankappo + Kafon taaxu moxo + Yexu + Kutuntaaxu + Diina + Yoorinda + Terende + Murundi kitaabu * Xanne + Sooninken xaranŋe + Sooninkan masalanŋu + Sooninkan xarankonpo + D.P.L.N. + Denba Siise masalanŋu + A.P.S. Xanne * Wulliye + Suugen do Rege + Sooninkan suugaano + Dangumaanun do Xaransuugu + Sonink-ART + S.W.K + Sooninkon jando loogante * Kittirangollu + Segundu + Gannin yokku + Garandinde * Fiinu tanani + Xibaaru + Bologu + Natalinu + Vidéothèque + Jokkindi daaxanu + Koota sugandinto + Xanwutinto + Gaayindu * Haqlifaraaxira * Home * Gansindu 16 Jan2016 Maali: Koyen Xibaaru 16-01-2016 Imprimer E-mail 16 janvier 2016. Written by Soninkara. Xaayi : Sooninkara sangi (yaaxarankoyiye xoore (Festival International Soninké), Xaayi sappa, a yinmankaaxun ga wa Muusa Jaaguraagan maxa, ayiwa a do i jaman da meɲiye ɲa “Chambre des Commerces” noxon di. Ken mewalle maanan ɲi na soro sugandi soro beenu ga wa riini sigi ti deemandi kaayintinun taaxandinden ŋa do hankamankunda, a do Sooninkara debun su di. Ken ŋa, bataaxe gabe gabe xoni dabari, n’i taaxandi jaman ŋa. Ken halle, masala ɲa Xaayi gan xawa danben do naamen sange (théâtre) be koyini Sooninkara su yi ke koota xoore yi. Ken ŋa, soro beenu siginten ga wa ti ken gollen ŋa, i do gollun xoni wa me yi. Bamako xa sappa, Mahamaadu Hame Siise ga ni a yinmanken ŋa, ikun xa da meɲiye ɲa koye ke di FISO gollun kanma. Ken noxo di, bito ku sikki di masalanŋen gan xawa masalankittu beenu kanma, i da kun koyi jaman ŋa. Kun masalanu di, masalan wa riini ɲa, Xotoyu beenu ga wa Sooninkaxannen kanma, Tunkan taaxumoxo, Siinun wa riini wuru, Geserun do jaarun xa wa riini wari beran di, Jaben do Siinun sigira Sooninkara di, Saafariye, kun do i meenu… Yinmanken d’a koyi ti koyi danginte ke di, i daga bugu jamaanen minisirinu yogonu yi, xoyi Danben do naamen minisiri, Gemundindaanan minisiri, Tuŋarankon minisiri, kun do i meenu…Ken halle, i kiɲi soro xooru yogonu xa yi, xoyi Muusa Maara (Pariti Yelema yinmanke), Cebille Daraame (Pariti Parena yinmanke), kuttun xa wa riini ɲa kootanu beenu rinten ga ni. Kun xa dangi halle, i da deemandi kaayitinun (quêtes) kiɲandi ku beenu nda i ga nan xawa, xoyi Baxoore Silla, Bakari Tanja, Yokka Bernard Sawaane, kun do i meenu… Ken ŋa, yinmanken d’a koyi nan ti i do gollun kuttun wa me yi. Kaho be siginten ga wa ti dinman yillayen gajaŋen ŋa (Alliance globale sur le changement climatique ), a d’i siinon karagi gollu ɲaŋanton gansi koye ke di. Siino karagi di, i da tanjikke do ɲeru me wujjine yitte lelu Xaayi do Seegu, a do Mopiti marann di. I da kame me wujjine xa me yitte bagandi. Kun gollu di, Seefan miliyonu sikki me yan bugu nan ro gollun di. Ken ŋa, i da kun gollu da maranu ku yaxarun deema ti naaxongollun do i meenu yi. Boron xoore: Jamaanen dipiteenun gemuxanne di na xasu xerexerento sikki (Sanwiye-Fewiriye-Marisinxaso) sugandi, xasu beenu di, a ma ɲamari jamaananlenme su na hi dabari ke be ga wa jaman kappa me yi bera baane di, kappe be di kasaara ga ra wa ɲaana a dinman ŋa. Baawo jamaanen ma muro hana, a ga alihaara be di a sankunte nta sere su yi, jamaanen xonnun wa do dingira gabe yi. Read More 02 Jan2016 Maali: Koyen Xibaaru 27-12-2015 Imprimer E-mail 2 janvier 2016. Written by Soninkara. Festival International Soninké (Sooninkara Sangi Xoore) Bamako 2016 Mahamadu Hame Siise, FISO yinmanke Bamako, a do i jaman da mewalle dabari Juman kootan ŋa, JiikoroninPaara. Ken mewalle noxon di, hi beenu ga bugu a di, i yogonu haayi: -Bataaxu yogonu saha katta jamaanen gollirankaanu yi xoyi Danben do naamen minisirinka, Saafariyen minisirinka, Maalin do halle jamaanun kappallenmaaxun minisirinka, Xaranŋen minisirinka, Gemuyen do jamun minisirinka, jamaanen boron xoore (dipiteenu golliranka) -Bataaxun saha katta xibaarindinkaanun ŋa xoyi ORTM, Africable, Chérifla, kun do i meenu… Danben do naamen minisirinkan jaabu ɲa ti FISO nan kiɲe i wuretaaxaana (chef de cabinet) na hiinun koyi me yi. Minisirinka kuttun xoni ma jaabu kini hana. FISO haabaaxun na Ɲaarekundankon ya maxa, Bamako taaxundaano. Ken halle, FISO yinmanken d’a koyi ti o na gollun tallanjawondi baawo koota xooren kiɲe, o do a ntaxa laato. Ken halle, a da digaamen kini kahon tonsonlindaana, ken ga ni Sulemaani Kamara (Jeema dipite xase). A digaamen noxon di, a ti sappa be siginten ga wa ti danben do naamen do xannen gollun ŋa, ken ga ni xaranmoxo Kaba Juwara do i jaman ŋa. Ayiwa, i da masalankittu yogonu sugandi, masalan ga nan xawa ɲaana i kanma FISO biton sikki di (25-28 Fewiriyenxason di). Masalankitti hana: Si (nan sehe siinun kanma, sin xabilanu, a yiraamu, janmu beenu ga bugu sin ŋa, baawo ganni, Sin ɲi Wagadu senben xoore ya yi, gajaŋun ɲi ɲaana a ya kanma xoyi jamaanu tananu xiisanun ga d’o xaranŋundi a yi moxo be.) Masalankitti hillandi: Jabe (yaxarun ga wa ke be roono i taanun do i kittun ŋa n’i haranparondi) A sigiranun ni kannun ŋa Sooninkara di? Masalankitti sikkandi: Gemuyen do jamu (baawo Maalin do i me jamaani gabe haajun w’i ya lenki koota ke yi) Masalankitti naxatandi: Sooninkanxanne (xanne ke na kan sigira yi lenki koota ke yi, a haaju na mani ya m’a na kati tallanbirene, baawo duna kaho (UNESCO) ti tankarage siine lenki halle, tankarage me xanne wa riini sanku, sooninkanxannen wa kun xan sankunto di) Masalankitti karagandi: Sallinde (sunnande)-Tunkan do debigumi taaxunde-Ganni suugu (siyinde-maaɲaaxu), kun do i meenu… Ken ŋa, Danben do Naamen do Xannen wuredunsappa, kun xa wa riini mewari masalankittu ku kanma nan gemu hi di, ken halle ya ni i na ri masalankittu ku sanqi katta Sooninkara jamaanu kuttun ŋa ma jamaane su na kati gollini i masalankittun kanma, walla na masalankittu tananu kahu i ya. Ken di, tonsonlindaanan ti Gajaaganko, Faransi jamaanen di, ti i wa riini sigi ti i sappa (troupe) be siginten ga wa ti danben do naamen koyiyen ŋa koota xooren ŋa. Ken dangi halle, mewallanun d’a koyi nan ti ku beenu ga ni sappan (troupe) xibaarun ŋa, Xaayinkon yan siginten ni ti kun ŋa. Kun dangi halle, digaamen kiɲe naaburin mundinden ŋa. Ken noxo di, yinmanke Siise d’a kaayitinu yogonu koyi jaman ŋa, kaayitinu beenu gan xawa nan kini sappa su yinmanken ŋa, sappa beenu siginten ga wa ti deemandi kaayitinun (quêtes) taaxandinden ŋa katta naaburigumun ŋa m’i na kati i kittun roono i jiibanun di na FISO deema ti o xannen do o danben do o naamen gollun ŋa. Ken baabu ɲame ti mewalle tana gansinden ya yi koye riye noxon di na hiinu jawondi moxosiri, baawo xaalisin halle, ho wo ho yaaxe ra nta bakka. Yinmanke Siise da ɲamari kini o xibaarindaana xaranmoxo Banjugu Daraame yi nan ti a haajun ga na yi xibaare su yi FISO gollun kanma, a ra wa yi i xilli telehon ŋa, baasi su nta ken di. Ken halle, a da mewallen raqen texe ti kuuɲinden do maamande, a do duudoxotaaxun Sooninkon baŋe. Ken do nan ti Juma riye do Sibiti riye Sanwiyenxason di, mewallu tananu wa riini ɲa. Read More 20 Déc2015 Maali: Koyen Xibaaru 20-12-2015 Imprimer E-mail 20 décembre 2015. Written by Soninkara. FISO16 (Sooninkara sangi Xoore) Juma ke kootan ŋa, FISO yinmanke be ga wa Bamako, ken ga ni Mahamadu Hame Siise, ayiwa, aken do i jaman kahi na FISO gansindi hanan dabari do xibaarinkaanun di (telewisonkaanu, Arajonkaanu, Interineeti). Ken noxo ya di, Bamako do duna su ga bugu a seedo nan ti na a wutu Fewiriyenxason 25 nan ri a wara 28 ŋa, Sooninkara su wa riini me ɲi Bamako na Sooninkanxannen do sooninkandanben do naame, nan sehe i kanma, n’i koyi duna su yi, ma Sooninkaaxun na tallanwurigi. Yirigi xalle ke ni sange ke ta naxatandin ya yi. Hanan do hillo ɲa Xaayi, ken halle sikkandin daga ɲa Nuwasottu, Muritaane jamaanen di. FISO gansinden halle, xotoyu beenu ga warini gansinden di, sappanu beenu siginten ga ni ti kun gollu yi, i do jaman da mewalle dabari, nan sehe ku xotoyu kanma, ma sahare na kite i ya, a do xa i meenu nan maxa ɲa xadi. Kun xotoyu yogou wa wurunu xibaarindinmoxon kanma, bisimillandinmoxon kanma, jaman koroosindinmoxon kanma, kun do i meenu. A xoni, Mahamaadu Siise do i jaman wa gollun kanma ma FISO ta naxatandi ke na dangi xeerin do jamun di Bamako noxon di. Ken mewalle noxon di, baabu ɲa deemandi kaayintinun kanma, ku beenu ga wa kinni soro xoorun ŋa m’i na kati n’i deemandun ɲa FISO da. Koota su Juman ŋa, mewalle xoore wa ɲaana Mahamadu Siise ne Jiikoronin Paara kundan di. Read More 20 Déc2015 Sunpu Kafo siino tanmi ñaxa Sibiti, Desanburunxason 19, siine 2015 Imprimer E-mail 20 décembre 2015. Written by Soninkara. Sunpu Kafo siino tanmi ɲaxa ɲa lenki Sibiti, Desanburunxason 19, Bamako CIC noxon di Sunpu Kafo, ken ga ni kaho be Maalin Sooninkan xaranlenmon ga d’a taaxundi siine 2005 (Association des Étudiants Soninké du Mali). Yirigi haayi i siina tanmundin ya yi. Ken ya ni, i ga da gangon wara katta Sooninkon su yi i na me ɲi bera xoore be ga wa a xilli CIC Bamako noxon di. A kootan ŋa soro xooru yogonu ɲi non ŋa, kun ga ni Kaba Juwaara (Kahon haabe), Saajo Gasanma (Maalin minisiri xase), Yaaya Baccili (kaho ke yinmanke hana hana), Yusufu Jaaguraaga (Kaho ke yinmanke tana), Cebille Daraame, Dawuda Tegete, Fatumaata Sumaare (kahon saaxe), a do kaho ke yinmanke (Usumaani Tunkara). Bamako Sooninkan gabe butu nan ri siino tanmi ke ɲaxa moxosiri. Ken di, ku soro xooru ho wo ho ga da digaamen wutu, i d’a joŋa kuuɲinden do maamanden ya yi katta xaranlenmu ku yi, baawo i ga da gollu beenu ku siino tanmi noxon di, i ma huxu sere su yi Sooninkara noxon di. Siino ku tanmi noxon di, i da siino karagi ɲa i wa dagana kaaranu xoyi Ɲooro, Xaayi, Yelimaane, Jeema, kun do i meenu… I da i sigiran xa haga FISO ku gollu danginton su di. Siino ɲeeri noxon di, i da sooninken danben do a naamen sanqi do Bamako noxon ŋa ti sangun do baabun do i meenu yi. Read More 27 Juil2014 [blank.gif] Sooninkara yaaxaraxurayebe ga dabari Nuwakucoti Moritaani jamaanen ŋa Imprimer E-mail 27 juillet 2014. Written by Soninkara. Ceexu Sidiya Tanja ti : O na mulla ke yaaxaraxuraye ke dangi falle , na kapalenmaaxu xoore ro duna sooninken su me naxa, Anken Ceexu Sidiya Tanja be ga ni Muritaani sooninkon yinmanke , a da Alixibaari tirindindun jaabi bito sikki kaane katta yaaxaraxuraye ta sikkandi ke bicca joppe. Alixibaari : Kan jamaanu xan riini tewe yaaxaraxuraye ke ? C.S. Tanja : Jamaanu beenu ga riini tewe yirigin yaaxaraxuraye ke , kun ni : Senegaali , Maali , Nijeeri , Koddiwaari , Kanbi do sooninkara saafaraano beenu ga Faransi , Ameriiki , Esipaaňi do Misira ( Ejypiti ). Alixibaari : Xori yaaxaraxuraye ke baane ra wa sikki o sooninkan jamaanu do jaman falle sooninkon ku ga ra wa gollini doome ? C.S. Tanja : Ken baane ma wose , na a saxu gollu xooro beenu ga sooninkon kanma. Ganta ke yaaxaraxuraye sababun wa sikki na tonte xote sigindi , a ga jokkini do gollun kutte. Alixibaari : Manne xa na ke yaaxaraxuraye sikkandi do ta ta danginto ku bakka me ? C.S. Tanja : Yaaxaraxurayu ku filli beenu ga dangi , i ňa ňaxa duuro ya. O ňi me walla masalankillu kanma , xa o ma ňi foofo safana, Ke kille , o na mulla ke yaaxaraxuraye dangi falle , o na kapalenmaaxu xoore ro duna sooninkon do me naxa. Ma ken kapalenmaaxu ga sigi do fiinu gabo xo fedde xoore ga sikki do Kunbi Saale taarixu , a ga ňi Gaana tooren noxo , ken do kitaabi dabari dingira do muurundu sooninkara do sooninkon noxo. Baawoni hari an da lenki , safande gabe nta sooninkon kanma. O sinmayu maxa ma o ga katta haqili faraaxuye gabe dabarini o do xabiilanu tanani naxa ; na a saxu o taarixun noxo , o sigiran ŋa Gaana tooren noxo ken do kapalenmaaxu o do xabiila kuttu ku naxa gelli ken kiye. Read More More Articles... * Miss Sooninke France 2014: I da Ñaame Tarawore ya sugandi * 1 * 2 * Soninkara.com soninkara-radio Xibaaru Fo darajanto Xaransuuge, poèmes écrits en langue Soninké par Aliou Goundo SY Xaransuuge, poèmes écrits en langue Soninké par Aliou Goundo SY Soobe: Sooninkon Maarinden Kafo Ejipti Soobe: Sooninkon Maarinden Kafo Ejipti HAADAMA RENMUM TAQUN DORONDEN DANTAQIYE DUNA NOXO (1948) HAADAMA RENMUM TAQUN DORONDEN DANTAQIYE DUNA NOXO (1948) [Dossier] Interview du doyen Mamadou Djiméra [Dossier] Interview du doyen Mamadou Djiméra Soobe: Sooninkon Maarinden Kafo Ejipti 2ème édition Soobe: Sooninkon Maarinden Kafo Ejipti 2ème édition XIRISIN DIGAAME NI KANWEN YA XIRISIN DIGAAME NI KANWEN YA soninkan xannen xaran balaaxu toora be ga ken di soninkan xannen xaran balaaxu toora be ga ken di Nmaa renme an xanne nsafa Nmaa renme an xanne nsafa SAARANA SAARANA Ke Bire Waaga par Aliou Goundo SY Ke Bire Waaga par Aliou Goundo SY Fo kurunbo Maali: Koyen Xibaaru 16-01-2016 Maali: Koyen Xibaaru 16-01-2016 Maali: Koyen Xibaaru 27-12-2015 Maali: Koyen Xibaaru 27-12-2015 Maali: Koyen Xibaaru 20-12-2015 Maali: Koyen Xibaaru 20-12-2015 Sunpu Kafo siino tanmi ñaxa Sibiti, Desanburunxason 19, siine 2015 Sunpu Kafo siino tanmi ñaxa Sibiti, Desanburunxason 19, siine 2015 Sooninkara yaaxaraxurayebe ga dabari Nuwakucoti Moritaani jamaanen ŋa Sooninkara yaaxaraxurayebe ga dabari Nuwakucoti Moritaani jamaanen ŋa Miss Sooninke France 2014: I da Ñaame Tarawore ya sugandi Miss Sooninke France 2014: I da Ñaame Tarawore ya sugandi Soobe Tappi 8, le magazine de l'association Sooninkon Maarinden Kafo Egypte Soobe Tappi 8, le magazine de l'association Sooninkon Maarinden Kafo Egypte Seexina Yattabari Taarixu-safandaana Aliyu Gundo Si Sawaane Seexina Yattabari Taarixu-safandaana Aliyu Gundo Si Sawaane Ke Bire Waaga par Aliou Goundo SY Ke Bire Waaga par Aliou Goundo SY [Dossier] Interview du doyen Mamadou Djiméra [Dossier] Interview du doyen Mamadou Djiméra Doosiye