#Sooninkon Maarinden Kafo Misira » Maañun Baase Flux des commentaires Kaawandu Sooninkon Maarinden Kafo Misira RSS Feed Sooninkon Maarinden Kafo Misira * Twitter Facebook * SOONINKE * Francais * English * Danbe + Sooninkara + Wagadu (Gaana) * Fedde + Feddu + Sooninkon kafo Misira * Kitaabu * Naamen do Laada + Gunanŋun do sunku + Suugaano + Suugun do Regu * Sooninkara + Terende + Yaxu * Tuwanlenmaaxu + N'o maatendi + O safa * Xanne + Masalanŋu + Soobe + Sooninken xara + Taalinu Maañun Baase 30 mars 2014 Sooninkara, Yaxu Futtan fon newonde yaxare yigo ri katta Faaren ŋa kisiyen do neeman w’a kanma , A ti(( Eh Alla Faare! In da du kin’an ŋa. Faaren d’a faayi kisiyen do neeman w’a kanma ,A da faayinden setundi katt’a yi n’a yanqandi, ken falle, A d’I yinmen yonko, yaxare ked a wucci gille sigi, yigo yogo xusa giri, a ti: Eh Alla Faare: gelli, An faaju gant’a yi , a yaxindin ke yi. A jaabi: yaala fo w’an maxa n’a kin’a yi futtan fo yi ba? A ti: fowofo nt’I maxa m’a ganta t’I dank e junme (fendeli)! Faaren jaabi: fo muuru har’an da ña mexen doronman ya, a muurund’a ma fo kita. Faaren jaabi kisiyen do neeman g’a kanma : yaala fo w’an maxa gelli Quraanan ŋa ba? A ti yabo ke soors do ke soora .A jaabi: in d’a yaxind’an ŋa ti fo be g’an maxa gelli xuraanan ŋa)).  ken d’a koyi nan ti haqe dura nta futtan fon ŋa , yaxan renmon filli gana gemu haqe be di m’I biisaamon gana gemu fun be di.  I da hadiisen raga bakka Salamata Faaba maxa Abudurahamaani renme ga ni, a ti: (( in da Aisa tirindi tankan gan duŋe bakk’a maxa :nan ti Faaren futtan fon ñi manime yi kisiyen do neeman g’a kanma? A ti: A futtan fon ñ’I ka gumun da Uqiyanu tanmi do fillo do taxande)) xa r’o na xaranmoxo Alihaji Umaru tuure terinka nan bogu Ganbiya Bajaxakunda , a gad afo be ko sooninkara yaxun kanma. A ti: 1. kaagun burun taqi burun ri mugi * nan fate xusu xoora dugunde maxa. 2. yaxarin xusu saara wa yinbe noxo * gell’an dugund’a ya xu su maxa. 3. Bira be kiinen ga tirind’a maxa * I ma hanmi t’a haaju suronde maxa. 4. I da laada burun ko nan r’I wara * kiinen kanma yi ti gaare maxa. 5. Gell’an gada kun kita n’I su kafu * futte do jogoonu wa toora maxa. 6. Gell’an gama fo kita duudoxo * an nan fate yaqi tirinde maxa. 7. I da kitten konko yaxu su ma ña * fuqaare yaxu su wa toora maxa. 8. I da yaqen falla nan r’a wara * konpo duuron noxon di ti toora maxa. 9. Yille su gana kar’a na ri sigi * nan bange biraado tirinden maxa. 10. Ken wase junuubu su ya kallu maxa * sakka kiine be su ga toora maxa. 11. Tugura gumu xooron d’Alla kuta * do lenme yaxu su ya gaare maxa. 12. I d’a faayi tono ya y’I du da yere * x’I na ri xasaara ti kaane maxa. 13. Semuntaaxun ken ma ña duudo xoto * an nan fate yaqe y’I kiina maxa. 14. Yaxarin buru renme duna di yere * toxo falle sooron su kaane maxa. 15. Woli xoore be su gar o ke duna * kamaanen d’I kuyen kin’I saara maxa. 16. Saara yaxaru xa da duudoxoto * a xa nan muñi kiine su toora maxa. 17. Yaxarin saarano xa sinme siri * a xa nan maxa faasa ti lenme maxa. 18. Yaxunun bonoyen sababun wa mene * kiine su ga tore t’I yaqen maxa. 19. Xusu xoore be su gad’I ma baga * xus’a kin’I kiina baraaje maxa. 20. Ken falle bone sun da r’a kita * saaxe kahu faabe junuubu maxa. 21. Birabe yaxare gad’I kiina kita * man d’a xa malind’a xusaaxu maxa. 22. Yaxanbaane be su wa roon’I du da * xusu xooron kanma ti sange maxa. 23. Goro kettun na bogu jeeni muso * nan r’I kini saara bure su maxa. 24. Xa da yaqun su tox’I kiina maxa * birabe kiine su ga hanm’a maxa. 25. Bari n’a raga kan di ken ma siro * xa kan’Alla yi kaane kuralle maxa. 26. Xa xus’I kin’I kiina xa duudoxoto * a xa nan xusa baari junubu maxa. tuure Saaranon filli wasu xannu maañu yigon do maañu yaxaren da  Anasi ti(( Faaren sahaabanun ñ’I gana yaxare su halla katt’I kiina yi : I ñ’a ñaamarini ti kiinen sorogonden ŋa d’a haqun korosinde)). Jaafar wasu xannen terinka , I ren yaxaren da, A ti(( in w’an gongono bakka suuxen ŋa; an n’a tu suuxen ya ni yaxu kutten xari lenme( baahin renmen)ŋa! in w’an gongono bakka jeregindi gaben ŋa; an n’a tu, a wa xonnaaxun xeyini. a w’an kanma ti kalin (kalen)ŋa ; yanbe foonun su yanbe fon ya ni , tima liŋun su fo sennen ni jin ya yi)). Amaamata bintu Alhaarisi wasu xannen terinka, II ren yaxaren d’a ga ñi halle: a ti: Eh in ren yaxare . yaxare gan ñi kaarini kiine din nan t’a saaranon ni bannanun ya yi ma nan ti, a saaranon faajun w’a yi, an ken yi kaarini, xa yaxarun tage yigun ya da yugun xa tage yaxarun ya da! An na ku fiinu tanmi 10 tang’an kiina da: 1- an n’an du maxayanqand’an kiina da. 2- An n’an kiina terinka n’a ñaamari-xannen raga. 3- A yaaxen nan maxa soxu fo ŋariñanŋe di gell’an ŋa. 4- An maxa tima bure mugu, an ŋa. 5- An n’a yige waxatinun korosi. 6- An n’a xenqe waxatinun xa korosi. 7- An n’a naaburen korosi. 8- An n’a koren korosi. 9- Maxa, a ñaamariyen kuta. 10- Maxa, a gundo sanqi. Ba Madikaman t’I ren yaxren d’a ga yaxini: An kiina gana xot’an ŋa sefene, an na xot’a yi kuurunu, an da xot’an ŋa terene, an na xot’a yi taaxunu, an da xot’an ŋa naaburi muurini, an na xot’a yi , a marana. ken wure ya ni : an kiinan da yi sefen’an da, an n’a sefon terinka, An nan taaxu, an batten di , an nan maxa ña teraana yi, An n’a naaburun d’a koren koroosi. ken maanan ni : kan ni yaxaren ya yi, a ni yaxaren ya maxa. Aken do bonoye ma xawa, ken falle foo wo foo su nta genme. Sooninkon ti: yaxare ganta ka di selinŋun ya jagene Ganni sooninkara ren-yaxaren gan ñi dagana ka di saaranon n’a taaxundi, I na sef’a da na wasu xan xoto kin’a yi , hari ken yaxare ganta yigo ke mulla , a wa taaxunu ti saarano ku digaamun ŋa. Yigon xa wa ken moxo bane di. Ken ya ni sooninkon ga tini sere sun sinme do yaxu ro koota digaamun ŋa. Xa, o ga da ku wara lenki yaxu bakken ga gabo sooninkara,in na ti duna yinme su. Ken di maaren yaxare, an kiina doro, an n’a haqun kin’a yi , an nan toron bogu menjan burun do teran-ren burun digaamun wure. Laisser un commentaire Annuler la réponse. Vous devez être connecté(e) pour rédiger un commentaire. * ____________________ * + Inscription + Connexion + Flux RSS des articles * Articles récents + Maañun Baase + Kaawandu + Digan-Xoore + Sooninkan Xanne + SMKM Fedde * Calendrier CAPTION: janvier 2016 L Ma Me J V S D « mar 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 * Articles récents + Maañun Baase + Kaawandu + Digan-Xoore + Sooninkan Xanne + SMKM Fedde * Étiquettes Association Camara Diawara Doucouré El Bakri Empire du Ghana enfants soninké Ghana griots Sakho Soninké Soobe Tarikh as Sudan * Ils aiment Soobe IFRAME: http://www.facebook.com/plugins/fan.php?id=doudou.sakho.18&width=30 0&connections=10&stream=true&header=false&locale=fr_FR * Articles récents + Maañun Baase + Kaawandu + Digan-Xoore + Sooninkan Xanne + SMKM Fedde + Sooninken Xara (CD) * Étiquettes Association Camara Diawara Doucouré El Bakri Empire du Ghana enfants soninké Ghana griots Sakho Soninké Soobe Tarikh as Sudan * Contact Soobe Fedde Association Culturelle de Soninke en Egypte. Sooninkon Maarinden Kafo. Ejipt B.P 1172 Attaba Caire 11511 Egypte E-mail: sooninkonkaho at hotmail.com © 2016 Sooninkon Maarinden Kafo Misira Association Soobe Fedde Soninkara | Soobe Payment Protection Insurance Policies | Thanks to Payment Protection Insurance Policies, Payment Protection Insurance Policies and Payment Protection Insurance Policies