- ទំព័រដើម
- កសិកម្ម
- បច្ចេកវិទ្យាបៃតង
- ចំណេះដឹងគ្មានព្រំដែន
- វិជ្ជាមេផ្ទះ
- របៀបថែទាំ-ជួសជុលសំម្ភារៈប្រចាំថ្ងៃ
- Web Page Tutorials
- រៀនធ្វើឈុតអក្សរ
ក្រុមហ៊ុនអង់គេ្លសផលិតប្រេងឥន្ធនៈពីសំរាម
រថយន្តទាំងឡាយដែលរត់បានដោយសារប្រេងឥន្ធនៈផលិតចេញពីកាកសំណល់ផ្ទះនឹងអាចធើ្វចរាចរបាននៅលើដងផ្លូវទាំងឡាយ ក្នុងរយៈពេលតែ២ឆ្នាំទៀតប៉ុណ្ណោះ នេះបើយោងតាមក្រុមហ៊ុនគីមីដ៏ធំនាំមុខគេមួយក្នុងភិភពលោក។
ក្រុមហ៊ុនអង់គេ្លស INEOS មានបំណងផលិតឥន្ធនៈជីវអេតាណុល(Bioethanol) ពីកាកសំណល់របស់ទីក្រុងដែលស្អុយរលួយ ក្នុងបរិមាណជាលក្ខណៈពាណិជ្ជកម្ម នៅត្រឹមឆ្នាំ២០១១។
លោក Peter Williams ជានាយកប្រតិបត្តិនៃក្រុមហ៊ុន INEOS Bio បាននិយាយថា" បច្ចេកវិជ្ជារបស់យើងនឹងធើ្វអោយមានការចូលរួមចំណែកដ៏ធំធេងក្នុង ការកាត់បន្ថយឧស្ម័នផ្ទះកពា្ចក់(Greenhouse gasses) និងតំរូវការប្រេងឥន្ធនៈហ្វូស៊ីល( ប្រេងធ្យូងថ្ម) របស់ពិភពលោក។
រថយន្ត Volvo មួយគ្រឿង ត្រូបានសាកល្បងប្រើប្រាស់ប្រេងឥន្ធនៈជីវអេតាណុលនេះ។ លោកបានបន្តថា" នេះ គីជាដំណើរការដ៏រឹងមាំនិងអាចបត់បែន ហើយឥឡូវនេះយើងមានអ្វីៗគ្រប់យ៉ាងដែលយើងត្រូវការដើម្បីដំណើរការវាក្នុងកំរិតជាលក្ខណៈពាណិជ្ជកម្ម"។ លោកបាននិយាយបន្ថែមថា" នេះ ជាការទាក់ទាញដ៏ខ្លាំងពីទស្សនៈនៃការពិភាក្សាអំពីម្ហូបអាហារនិងប្រេងឥន្ធនៈ នៅពេលដែល វា(ឥន្ធនៈជីវអេតាណុល) កាត់បន្ថយការផលិតប្រេងឥន្ធនៈពីពោត។
ដំណើរការនេះ ផលិតជាតិអេតាណុល( Ethanol) ដោយដាក់បញ្ចូលគ្នាជាមួយជីវសាស្ត្រគីមីដែលជាសារធាតុបន្ថែមធើ្វអោយឆាប់មានប្រតិកម្មគីមី ជាមួយកាបូនម៉ូណូស៊ីត( Carbon monoxide) និង អ៊ីដ្រូហ្សែន ដែលត្រូវបានបង្កើតឡើងដោយដុតកាកសំណល់ដែលស្អុយរលួយ(ដោយបាត់តេរី)។
ការរកឃើញេនេះ ត្រូវបានគាំទ្រ ដោយមជ្ឈមណ្ឌលជាតិផលដំណាំមិនសំរាប់ម្ហូបអាហារ( NNFCC) ជាមជ្ឈមណ្ឌលជាតិរបស់អង់គេ្លស សំរាប់់ការស្រាវជ្រាវរក ឥន្ធនៈ វត្ថុធាតុ និងបច្ចេកវិជ្ជាថ្មីៗ។
លោកបណ្ឌិត Geraint Evans មកពីមជ្ឈមណ្ឌល NNFCC បាននិយាយថា " នេះគីជាជំនាន់ក្រោយនៃជីវឧស្ម័ន វាជាលទ្ធផលមួយនៃរបកគំហើញ"។
លោកបានបន្តថា មានសំរាមច្រើនគ្រប់គ្រាន់ នៅ Humberside ដែលអាចផលិតបានប្រហែល២០០.០០០ តោននៃជាតិអេតាណូល សំរាប់ប្រេងឥន្ធនៈ។ មានសំរាមជាច្រើននៅគ្រប់ទីកន្លែង ហើយនេះជាមធ្យោបាយដ៏ល្អសំរាប់បរិស្ថានក្នុងការប្រើប្រាស់វា(សំរាម)។ ប៉ុនែ្តក្រុមអ្នកបរិស្ថានបានចាត់ទុកសេចក្តីប្រកាសនោះដោយប្រយ័ត្នប្រយែង។
លោក Kenneth Richter ជាអ្នកធើ្វយុទ្ធនាការផ្សព្វផ្សាយជីវឧស្ម័នសំរាប់អង្គការមិត្តផែនដី(Friends of the Earth) បាននិយាយថានៅខណៈពេលដែលការខំប្រឹងប្រែងត្រូវបានធើ្វឡើងដើម្បីអភិវឌ្ឍធនធានឥន្ធនៈដែលអាចជំនួសបានហើយដែលមិនខូចបរិស្ថាន។
វានៅសល់ពេលតែប៉ុន្មានឆ្នាំទៀតដែលធនធានទាំងនេះត្រូវបានប្រើប្រាស់ក្នុងលក្ខណៈជាពាណិជ្ជកម្ម ហើយស្ថិតនៅក្នុងស្ថានភាពមួយមិនប្រាកដប្រជាសំរាប់តំរូវការនាពេលអនាគត។
លោកបានបន្តថា"ជំនួសអោយការផ្សងប្រថុយប្រថានទៅលើជីវឧស្ម័ន យើងត្រូវវិនិយោគទុនជាបន្ទាន់ទៅលើដំណោះស្រាយមធ្យោបាយនៃការដឹកជញ្ជូន"តាមបែបការពារបរិស្ថាន" ដូចជា រថយន្តស៊ីសាំងតិចនិងមិនប៉ះពាល់ដល់បរិស្ថាន មធ្យោបាយដឹកជញ្ជូនសាធារណៈកាន់តែល្អប្រសើរឡើង និង ផ្លូវកាន់តែមានសុវត្ថិភាពសំរាប់ការជិះកង់ និង ដើរ។