តម្លៃដំឡូងមីនៅកម្ពុជាធ្លាក់ថ្លៃយ៉ាងគំហុក

ព័ត៌មានថ្មីៗ 15:02:00, 12 February 2009

ក្នុងពេលថ្មីៗនេះការធ្លាក់ចុះយ៉ាងគំហុកនៃតម្លៃដំឡូងមីបានធ្វើឲ្យបណ្ដាកសិករខ្មែរ
ជាច្រើននាក់មានបញ្ហាមិនអាចបង់ថ្លៃចំណាយបាន។

បើតាមរបាយការណ៍របស់កាសែតភ្នំពេញប៉ុស្ដិ៍ជាភាសាអង់គ្លេសបានឲ្យដឹងថា ការធ្លាក់តម្លៃកសិផលបានធ្វើឲ្យប្រជាកសិករទទួលបានប្រាក់ចំណូលទាបជាងមុន និងមានការលំបាកក្នុងការលក់កសិផលរបស់ខ្លួន។

ប៉ុន្មានឆ្នាំកន្លងទៅនេះ ដីកសិកម្មកម្ពុជាជាច្រើនត្រូវគេប្ដូរទៅដាំដំណាំដំឡូងមីដោយ
បានទទួលផលខ្ពស់ ដោយសារដំឡូងមីមានជាតិស្ករច្រើន ដែលគេអាចយកទៅផ្សំធ្វើ
ជាជីវឥន្ធនៈ និងផលិតផលកែច្នៃជាច្រើនមុខទៀត។

ប៉ុន្ដែថា ឥឡូវនេះកសិករមួយចំនួនថា តម្លៃដំឡូងមីចុះថោកខ្លាំងពេក ធ្វើឲ្យពួកគេប្ដូរ
ទៅដាំដំណាំពោតវិញ៕

(ប្រែសម្រួលដោយ ឃុន អាឡិច)