[transparentlogolink.gif] [transparentservicelink.gif] ______________ ស្វែងរក អត្ថបទសុទ្ធ | ជំនួយការ | English Home Page ខ្មែរ > ព័ត៌មាន ការស្វែងរកដំណោះស្រាយក្នុងបញ្ហាតម្លៃស្បៀងឡើងខ្ពស់ ដោយ សាន សុវិទ្យ 2008-04-30 ពិភពលោកសព្វថ្ងៃកំពុងជួបប្រទះនឹងវិបត្តិស្បៀងយ៉ាងធ្ងន់ធ្ងរ ហើយម្ហូបអាហារបានឡើងថ្លៃជាងមុនជាច្រើនដង ដែលធ្វើឲ្យមានការព្រួយបារម្ភយ៉ាងខ្លាំង ។ តម្លៃទំនិញជាពិសេសស្បៀងអាហារដែលបាននិងកំពុងឡើងកប់ពពកក្នុងខណៈ នេះ បានធ្វើឲ្យអង្គការនិងស្ថាប័នអន្តរជាតិនានារួមមានអង្គការស្បៀង អាហារពិភពលោក ធនាគារពិភពលោក ។ល។ មានការព្រួយបារម្ភចំពោះបញ្ហាជួយបំពេញក្រពះប្រជាពលករពិភពលោក ដែលបច្ចុប្បន្នកើនឡើងឥតឈប់ឈរ រហូតសព្វថ្ងៃមានចំនួនជាង ៦ពាន់៨រយលាននាក់ហើយនោះ ហើយដែលក្នុងចំនួននេះមានដល់ទៅជាង ២ពាន់៨រយលាននាក់ រស់នៅក្រោមបន្ទាត់ភាពក្រីក្រ ។ លោក Joachim von Braun អគ្គនាយកវិទ្យាស្ថានស្រាវជ្រាវនយោបាយស្បៀង ឬ IFPRI នៅទីក្រុងវ៉ាស៊ីនតោន មានប្រសាសន៍ថា ៥០% នៃជនក្រីក្រដល់កម្រិត គឺឋិតនៅតំបន់អាស៊ី ៖ «...យោងតាមការទស្សន៍ទាយបច្ចុប្បន្ននេះ ៥០%នៃជនក្រីក្រដែលក្រជាទីបំផុត ស្ថិតនៅក្នុងទ្វីបអាស៊ី ហើយការប៉ាន់ទុកជាមុន ក៏បង្ហាញថា ៣ភាគ៤នៃចំនួននេះ រស់នៅក្នុងទីជនបទ...» ។ លោក Joachim von Braun ក៏មានប្រសាសន៍ផងដែរថា កសិកម្មពិភពលោកបានឈានចូលដល់សម័យកាលថ្មីមួយដែលគ្មានស្ថិរភាពនិង ប្រកបដោយគ្រោះថ្នាក់ខាងនយោបាយ ។ យោងតាមស្ថិតិរបស់សភាពាណិជ្ជកម្មក្រុងឈីកាហ្គោ នៅឆ្នាំ ២០០៧ ស្រូវសាលីបានឡើងថ្លៃ ៧៧% អង្ករ ១៦% ដែលជាកំណើនតម្លៃដ៏គំហុកបំផុត តាំងពីមានការកត់ត្រាទុកមក ។ ក៏ប៉ុន្តែនៅឆ្នាំ ២០០៨នេះ ល្បឿននៃកំណើនតម្លៃស្ទុះលឿនស្លេវ គឺចាប់ពីខែមករាមក តម្លៃអង្ករបានបោះពួយឡើងកប់ពពក ១៤១% ហើយមានស្រូវសាលីមួយប្រភេទបានឡើងថ្លៃដល់ទៅ២៥%ក្នុងរយៈពេលតែ ១ថ្ងៃប៉ុណ្ណោះ ។ ការឡើងថ្លៃទំនិញជាទូទៅនេះបាននាំមកនូវការចលាចលក្នុងច្រើនប្រ ទេស ។ កាលពីដើមខែមេសា ប្រជាជនប្រទេសកូតឌីវ័រ បានបះបោរដុតផ្សារផ្សោធ្វើឲ្យរដ្ឋាភិបាល ត្រូវបង្ខំចិត្តពន្យារពេលការបោះឆ្នោត។ នៅប្រទេសហៃទីបាតុករបះបោរទាមទារស្បៀងអាហារបង្ខំឲ្យលោកនាយករដ្ឋ មន្រ្តី ចុះចេញពីតំណែង។ នៅប្រទេសកាម៉ឺរូន មានមនុស្ស២៤នាក់ស្លាប់ក្នុងការប្រឆាំងតវ៉ាពីកង្វះស្បៀង។ នៅប្រទេសអេហ្ស៊ីប លោកប្រធានាធិបតីបានបញ្ជាឲ្យកងទ័ពនិងនគរបាលផលិតនំប៉័ង ដើម្បីឆ្លើយតបនឹងការឡើងថ្លៃ ។ នៅប្រទេសហ្វីលិពីន ការលួចស្តុកស្រូវអង្ករដើម្បីកេងយកចំណេញមានទោសជាប់គុកអស់មួយ ជីវិត។ នៅកម្ពុជារដ្ឋាភិបាលបន្ទីរបន្ទាន់បញ្ចេញអង្ករលក់ឲ្យអ្នកស្រុកក្ន ុងតម្លៃថោក ។ល។ លោកប្រធានធនាគារពិភពលោក រ៉បឺត ហ្សិល្លិក បានគន់គូរថាអតិផរណានៃតម្លៃស្បៀងអាហារលើកនេះ អាចនឹងជំរុញឲ្យមនុស្សយ៉ាងហោចណាស់ ១០០លាននាក់ទៀត ធ្លាក់ក្នុងភាពក្រីក្រដែលជាការលុបចោលនូវកំណើនជឿនលឿនផ្នែកសេដ្ឋ កិច្ច ដែលអ្នកក្ររាប់ពាន់លាននាក់បានទទួលក្នុងជិតមួយទសវត្សរ៍កន្លងមក។ តើស្បៀងអាហារឡើងថ្លៃនេះមកពីប្រភពណា ? សេដ្ឋវិទូនានាបានវិភាគថាតម្លៃមិនថាឡើងឬចុះ កត្តាសំខាន់គឺតម្រូវការរបស់អ្នកបរិភោគ ហើយតម្រូវការនេះមានការផ្លាស់ប្ដូរកាន់តែខ្លាំងឡើងពីប្រជាជននៅស ្រុកចិននិងឥណ្ឌាដែលបច្ចុប្បន្ននេះមានជីវភាពកាន់តែធូរធារមានបាន ។ ដូច្នេះគេត្រូវការអាហារ ជាអង្ករ ត្រីសាច់ កាន់តែច្រើន។ ក្រៅពីនេះនៅបស្ចិមប្រទេសក៏មាននិន្នាការ ងាកទៅប្រើប្រេងជីវឥន្ធនៈកាន់តែខ្លាំងក្លា ធ្វើឲ្យមានការពង្រីកផ្ទៃដីដាំធញ្ញជាតិ សម្រាប់គាបយកប្រេងកាន់តែច្រើន ។ អ្នកវិភាគខ្លះទៀតបន្ទោសតម្លៃប្រេងឥន្ធនៈហ្នឹងតែម្តង ដែលបានហក់ឡើងយ៉ាងគំហុកពីមួយធុងតែ ២៦ដុល្លារ កាលពីឆ្នាំ ២០០១ ឡើងដល់ ៧២ដុល្លារឆ្នាំទៅមិញ និងជាង ១០០ដុល្លារ រហូតដល់ ១២០ដុល្លារបច្ចុប្បន្ននេះ ។ លោក Jim Sartwelle សេដ្ឋវិទូនៃការិយាល័យកសិដ្ឋានអាមេរិក មានប្រសាសន៍ថា ទំនិញឡើងថ្លៃនេះ គឺមួយភាគធំកើតមកពីតម្លៃថាមពល ៖ «...បើយើងទទួលស្គាល់ថា កសិករបានប្រាក់ចំណូលតែ ២២សេនប៉ុណ្ណោះក្នុងស្បៀងអាហារដែលលក់ក្នុងតម្លៃ ១ដុល្លារនោះ តើសល់ពីនោះប្រាក់វាទៅណា ? គឺវាត្រូវចំណាយទៅលើការកែច្នៃកសិផល ការដឹកជញ្ជូន ។ល។ ដែលសុទ្ធតែត្រូវប្រើថាមពល គឺអគ្គិសនី និងប្រេងឥន្ធនៈយ៉ាងច្រើនសន្ធឹកសន្ធាប់ ហើយក្នុង១២ខែកន្លងមកនេះ ប្រេងសាំងបានឡើងថ្លៃដល់ទៅ ១០៥%ណោះ ។ ដូច្នេះជាការពិតណាស់ អ្នកនឹងឃើញថាតម្លៃស្បៀងអាហារលក់រាយនៅតាមហាង ចាំបាច់ត្រូវតែឡើងខ្ពស់» ។ តើមានកត្តាអ្វីទៀតដែលបានជំរុញឲ្យតម្លៃទំនិញក្នុងពិភពលោកឡើងខ្ ពស់ទ្វេមួយជាពីរជាបីដូច្នេះ ? ទស្សនាវដ្តីអ្នកសេដ្ឋសាស្ត្ររបស់អង់គ្លេសសរសេរថា អ្វីដែលធ្វើឲ្យបញ្ហាទំនិញកាន់តែស្មុគគឺការដាក់កូតានាំចេញដោយ ផលិតករធញ្ញជាតិធំៗ ការដណ្តើមទិញដោយអ្នកនាំចូលធញ្ញជាតិ និងការប៉ាន់តម្លៃកទុកជាមុន របស់ក្រុមអ្នករកស៊ីកេងយកចំណេញពីផ្សារកសិផល ។ ការដែលរដ្ឋាភិបាលប្រទេសនានាបានអន្តរាគមន៍ជួយបន្ធូរបន្ថយគំនាបតម្ លៃជាប្រយោលក៏ជាការធ្វើឲ្យកសិករស្ទុះស្ទារក្នុងការផលិតស្បៀងអា ហារដើម្បីបង្រប់តម្រូវការនោះដែរ ។ យោងតាមប្រភពធនាគារពិភពលោក ក្នុងចំណោមប្រទេសចំនួន ៥៨ដែលធនាគារនេះបានតាមដានប្រមើលមើលប្រតិកម្មទៅនឹងទំនិញឡើងថ្លៃ មាន៤៨ប្រទេសបានដាក់កំណត់តម្លៃទំនិញ ជួយគាំទ្រជាប្រាក់ដើម្បីឲ្យទំនិញមានតម្លៃថោកដាក់កម្រិតលើការ នាំចេញឬក៏បន្ថយពន្ធលើទំនិញនាំចូល ។ ក៏ប៉ុន្តែវិធានការរដ្ឋទាំងនេះមិនអាចនៅឋិតឋេរចេរកាលបានឡើយ ដូច្នេះតើពិភពលោកបានស្បៀងពីណាមកបង្គ្រប់តម្រូវការបច្ចុប្បន្ននេះ ? យោងតាមទស្សនាវដ្តីអ្នកសេដ្ឋសាស្ត្រសព្វថ្ងៃនេះ ប្រទេសអ្នកមានកំពុងបង្កើនផលិតកម្មកសិផលរបស់ខ្លួន ដូចជាសហរដ្ឋអាមេរិកកំពុងដាំស្រូវសាលីរដូវរងារបន្ថែម ៤% ហើយផ្ទៃដីដាំក្នុងនិទាឃរដូវ ក៏ច្បាស់ជានឹងកើនឡើងដែរ ។ រីឯសហភាពអឺរ៉ុបក៏គេទស្សន៍ទាយថា ការប្រមូលផលស្រូវសាលីឆ្នាំនេះនឹងកើនផលិតផល ១៣% ថែមទៀត ។ លោក Robert Zeigler នៃវិទ្យាស្ថានស្រាវជ្រាវពូជស្រូវអន្តរជាតិឬអ៊ីរី នៅប្រទេសហ្វ៊ីលិពីនបានអធិប្បាយថា ទោះយ៉ាងនេះក្តីគេអាចបង្កើនផលិតផលស្រូវបានបើសិនជាគេអាចទប់ទល់នឹង កត្តាអវិជ្ជមានមួយចំនួន ៖ «...យើងរំពឹងថានឹងមានការឆ្លើយតបខ្លះៗពីខាងកសិករទៅនឹងតម្លៃដែល ចេះតែឡើងខ្ពស់ ក៏ប៉ុន្តែយើងបានបណ្តោយឲ្យហេត្ថារចនាសម្ព័ន្ធផ្នែកធារាសាស្ត្រធ្លាក ់ទ្រុឌទ្រោម យើងបានបណ្ដោយឲ្យការរីកសាយនៃទីប្រជុំជនចូលទៅក្នុងតំបន់ដែលដីមា នជីជាតិល្អ សម្រាប់ការដាំស្រូវនៅអាស៊ី ហើយយើងក៏មានការប្រជែងដណ្តើមប្រភពទឹក ពីខាងឧស្សាហកម្មថែមទៀតដែលទាំងអស់នេះសុទ្ធតែជាកត្តាដែលមិនអំណោយ ផលដល់ការបង្កើនផលិតផលស្រូវ...» ។ ទោះជាយ៉ាងនេះក្តីទាំងអ្នកសេដ្ឋសាស្ត្រ ទាំងអ្នកស្រឡាញ់បរិស្ថាន ចង់ឲ្យការឆ្លើយតបទៅនឹងតម្រូវការស្បៀងលើកនេះ ចេញពីអ្នកស្រែតូចតាចដែលមានដីមួយហិកតា ពីរហិកតា ប្រមាណជា ៤៥០លាននាក់ក្នុងពិភពលោកនេះជាអ្នកធ្វើទៅវិញ ។ នេះគឺផ្អែកលើហេតុផល៣ប្រការ ៖ ទី១ វានឹងជួយកាត់បន្ថយភាពក្រីក្រដោយសារថា ២ភាគ៣នៃជនដែលមានចំណូលមួយថ្ងៃ១ដុល្លារនោះ រស់នៅក្នុងជនបទមានដីស្រែតែបន្តិចបន្តួច ។ ទី២ បើជំរុញឲ្យកសិករតូចតាចបង្កបង្កើនផល គេមិនបាច់រានឆ្ការដីបន្ថែមទៀតឡើយ ដូច្នេះវាជាការជួយរក្សាបរិស្ថាន ។ ទី៣ការនេះវាមានសក្តានុពល អាចធ្វើបានងាយជាង បើប្រៀបធៀបប្រាក់ចំណូលទៅនឹងប្រាក់វិនិយោគ គឺថាការបង្កើនទិន្នផលស្រូវនៅអាហ្វ្រិកពី២តោនឲ្យទៅជា៤តោនមួ យហិកតានោះ វាអាចធ្វើបានងាយជាងព្យាយាមដំឡើងទិន្នផលនៅអឺរ៉ុបពី ៨តោនឲ្យបាន១០តោនក្នុងមួយហិកតា ។ លោក Robert Zeigler នៃអង្គការអ៊ីរី មានប្រសាសន៍ថា វិទ្យាស្ថានរបស់លោកនៅមានលទ្ធភាពអាចគិតគូរបង្កាត់ពូជស្រូវដែលនឹ ងបង្កើនទិន្នផល ពី១ទៅ២តោនមួយហិកតា បានថែមទៀត ហើយបើសិនជាប្រទេសនៅអឺរ៉ុបកាត់បន្ថយការប្រឆាំងទៅនឹងដំណាំ GMO ឬដំណាំដែលគេកែច្នៃសែនរបស់វា ពួកអ្នកវិទ្យាសាស្ត្រខាងរុក្ខវិទ្យាក៏នឹងអាចធ្វើរស្មីសំយោគ ក្នុងដំណាំដែលនឹងអាចបង្កើនទិន្នផលដល់ទៅ ៥០%ឬលើសនោះទៅទៀត ៕ Copyright © 1998-2011 Radio Free Asia. All rights reserved. [icon_printer.gif] បោះពុម្ព [icon_email.gif] អ៊ីម៉េល មតិ ចុចត្រង់នេះដើម្បីបន្ថែមយោបល់របស់អ្នក ឧបករណ៍រឿង [icon_speaker.gif] ស្តាប់សំឡេង [icon_download.gif] ថតសំឡេង [icon_email.gif] អ៊ីម៉េល [icon_storydownload.gif] ចម្លងរឿងនេះទុក [icon_emailSub.gif] ព្រឹត្តិបត្រព័ត៌មាន [icon_printer.gif] បោះពុម្ព [icon_addthis.gif] ចែករំលែករឿងនេះ អត្ថបទដែលទាក់ទង សារសំខាន់នៃការពង្រឹងកសិកម្មខ្នាតតូចនៅកម្ពុជា ជីវិតគ្រួសារដែលមានកូន៣នាក់ស្លាប់ក្នុងអណ្ដូងរ៉ែមាស ចុងឆ្នាំ២០១១៖ អតិផរណាឡើងខ្ពស់ ជនជាតិដើមរងគ្រោះដោយទឹកជំនន់ទទួលបានជំនួយ ការបង្កើតមុខរបរតូចៗជាការរួមចំណែកលើកកម្ពស់សេដ្ឋកិច្ចជាតិ ស្ថានភាពរស់នៅរបស់ពលរដ្ឋនៅកំពតក្រោយទទួលបានដីសម្បទាន កសិករនៅខេត្តកំពតរៀបចំស្រែបណ្ដុះអំបិល កសិករនៅខេត្តកំពតរៀបចំស្រែបណ្ដុះអំបិលដើមរដូវ ឆ្នាំ២០១១ (រូបភាព) វិនិយោគិនខ្មែរ-ថៃបោះទុន២១លានដុល្លារសង់រោងចក្រម្សៅមីនៅបាត់ ដំបង អ្នកជំនាញបង្ហាញពីដំណោះស្រាយបញ្ហាកង្វះហិរញ្ញប្បទានចំពោះម៉ាស៊ី នកិនស្រូវ រឿងដែលគេអានច្រើនបំផុត * ប៉ូលិសចាប់ខ្លួនពលរដ្ឋបុរីកីឡ * អាមេរិកព្រមានថាវិបត្តិដីធ្ល * ពលរដ្ឋនៅបុរីកីឡាចាកចេញទាំង * ជូនពរឆ្នាំថ្មី និងការទស្សន៍ទាយ * អ្នកនិពន្ធខ្មែរចេញផ្សាយសៀវភៅ រឿងដែលគេអ៊ីម៉េលច្រើនបំផុត * ពលរដ្ឋនៅបុរីកីឡាចាកចេញទាំង * ជូនពរឆ្នាំថ្មី និងការទស្សន៍ទាយ * អាជីវកម្មរ៉ែមាសនៅក្រចេះ * ពលរដ្ឋធ្វើប្រហុក * ប៉ូលិសចាប់ខ្លួនពលរដ្ឋបុរីកីឡ [listennow.gif] * ខ្មែរ * អំពីវិទ្យុអាស៊ីសេរី * ព័ត៌មាន * ព័ត៌មានខ្លី * បទសម្ភាសន៍ * សង្ខេបព័ត៌មានប្រចាំសប្តាហ៍ * ពហុព័ត៌មាន * វីដេអូ * វេទិកាអ្នកស្ដាប់ * បទយកការណ៍ * នាទីប្រចាំសប្ដាហ៍ * បណ្ណសារព័ត៌មាន [podbutton.gif] [rssbutton.gif] អាសយដ្ឋានអ៊ីម៉េលរបស់អ្នក ______________ Submit Khmer BLOG [bloglogo100] [twitter-thumb100] [youtube100] [facebook.jpg] Radio Free Asia 2025 M Street NW, Suite 300 Washington DC 20036, USA 202-530-4900 khmweb@rfa.org ជំនួយបច្ចេកទេស | ក្រមសីលធម៌ | រលកធាតុអាកាស | គោលការណ៍ប្រើ | ការសម្ងាត់ | គ្រោងគេហទំព័រ | ទាក់ទងយើងខ្ញុំ BBG.gov | វិទ្យុសំឡេងសហរដ្ឋអាមេរិក [footer_manlink.gif] | [footer_canlink.gif] | [footer_burlink.gif] | [footer_korlink.gif] | [footer_laolink.gif] | [footer_khmlink.gif] | [footer_tiblink.gif] | [footer_uyglink.gif] | [footer_vielink.gif] | [footer_englink.gif]