* ទំព័រដើម
     * អំណាច
     * សេដ្ឋកិច្ច
     * ខ្មែរក្រហម
     * បរិស្ថាន
     * វប្បធម៌ និង សង្គម
     * បទយកការណ៍រូបថត



   កា​សែត​គឺ​ជា​វ៉ិប​សាយ​ព័ត៌​មាន​ឯក​រាជ្យ​ដែល​ចេញ​ផ្សាយ​ប្រ​ចាំ​ថ្ងៃ​ជា​ភ
   ាសាខ្មែរ ​បា​រាំង និងអង់គ្លេស
   ​ស្តី​អំ​ពី​ប្រទេស​កម្ពុជា​និង​ប្រ​ជា​ជន​កម្ពុជា​នៅ​ក្រៅ​ប្រទេស ។
   ____________________        [rss_1.png]


   Installing Khmer Unicode

                             Bookmark and Share

អធិប្បាយចុងក្រោយ

     * [ka-set-cambodia-comment-ico.png] របប​ខ្មែរក្រហម​នៅ​កម្ពុជាៈ
       យុវជន​ខ្មែរ​ជឿ​ត្រឹម​តែ​៥០%​រឺ? (1)
       ដោយៈ មេត្តា
     * [ka-set-cambodia-comment-ico.png] សម្តេច​ហ៊ុន សែន​
       វាយ​បក​ទៅលើ​ពាក្យ​បណ្តឹង​​​បទ​​បរិហារកេរ្តិ៍​របស់លោកស្រី​មួរ សុខហួរ
       (3)
       ដោយៈ Metta
     * [ka-set-cambodia-comment-ico.png] សវនាការ​ផ្ទាល់​មាត់​
       ទាក់​ទិន​នឹង​ការ​​ខ្វែង​​យោបល់​​រវាង​​សហ​ព្រះ​រាជ​អាជ្ញា​ទាំង​ពីរ​​
       គ្រោង​នឹង​បើក​​ធ្វើ​ឡើង​​នៅ​​ដើម​ខែ​ឧសភា (1)
       ដោយៈ CHAO TOOCH

សញ្ញាសម្គាល់


   ប្រាសាទព្រះវិហារ
   ប្រវត្តិសាស្រ្តខ្មែរ
   ស្ថាប័ននយោបាយ
   សវនាការ​ខ្មែរ​ក្រហម

ទទួល​ព័ត៌​មាន​

   ឈ្ម�
   អ៊ី�
   [BUTTON Input] (not implemented)_________________________________

យើងខ្ញុំ


   អំពីយើងខ្ញុំ
   កតិកាសញ្ញាផ្សាយព័ត៌មាន
   ផ្សាយពាណិជ្ជកម្ម

   ជីវៈ​ឥន្ធនៈ៖
   យុវតី​​វិទ្យាល័យ​​​​ខ្មែរ​​ទទួល​​បាន​ពា​ន​រង្វាន់​​ពិភព​​លោក​​ចំនួន​បី
   ដោយ រស់ ឌីណា
   បោះពុម្ភ ផ្ញើអត្ថបទ​តាម​ Email
   ០៥-០៥-២០០៩



 ភ្នំពេញ (កម្ពុជា) ថ្ងៃទី២៨ មេសា ២០០៩៖ កញ្ញា សំអាង ម៉ានីន
ជ័យលាភីលើការប្រកួតប្រជែងផ្នែកវិទ្យាសាស្រ្តអន្តរជាតិ

                       © វណ្ឌី រតនា

    «ខ្ញុំ​យក​ឈ្នះលើ​​យុវនារី​អាមេរិក​ម្នាក់!»៖ កញ្ញា​សំអាង ម៉ានីន
   អ្នក​រស់​នៅ​ទីក្រុង​ភ្នំពេញ អាយុ​១៦​ឆ្នាំ
   បាន​ទទួល​ជ័យលាភី​​កំរិត​មេដាយមាស​
   នៅក្នុង​​ការ​​ប្រកួត​ប្រជែង​អ្នក​​វិទ្យាសាស្រ្ត​​វ័យ​ក្មេង ឆ្នាំ​២០០៩
   (I-Sweeep ២០០៩) សម្រាប់​គម្រោង​ផលិត​ជីវៈឥន្ធនៈ​​
   ចំរាញ់ចេញ​ពី​ប្រេង​ល្ហុង​​ខ្វង
   ស្រប​ពេល​ដែល​គម្រោង​ដូច​គ្នាមួយ​របស់​សិស្ស​វិទ្យាល័យ​សហរដ្ឋ​អាមេរិក​ម្ន
   ាក់​បាន​​ទទួល​ពាន​រង្វាន់​ «កំរិត​មេដាយ​ប្រាក់»។ មិន​ត្រឹម​តែ​ប៉ុណ្ណោះ
   នៅ​ក្នុង​ការ​ប្រកួត​​​វិទ្យាសាស្រ្ត​​​​អន្តរ​ជាតិ​នេះ
   កញ្ញា​ថែម​ទាំង​បាន​ទទួល​អាហារូបករណ៍​សិក្សា​នៅ​បរទេស
   និង​ពាន​​រង្វាន់​ពិសេស​មួយ​របស់​សហគ្រាស​អាមេរិក​។ ដូចនេះ
   មាន​ន័យ​ថា​កញ្ញាម៉ានីន
   ​​ទទួល​បាន​ជោគ​ជ័យ​​​​ល្អ​ប្រសើរ​ជាង​ជ័យលាភី​​កម្ពុជា​លើក​មុន
   ដែល​បានទទួល​មេដាយ​ប្រាក់​​នៅ​​ការ​ប្រកួត​អ្នក​វិទ្យាសាស្រ្ត​វ័យ​ក្មេង​
   ឆ្នាំ​២០០៨ («Energie Senior»)
   សម្រាប់​ការ​ផលិត​ប្រេង​ឥន្ធនៈ​ចំរាញ់​ចេញ​ពី​ផ្លែ​ដូង។


   ជ័យ​លាភី​៣ពាន​រង្វាន់
   កញ្ញា​សំអាង ម៉ានីន ​បាន​លឺគេ​ហៅឈ្មោះ​របស់​ខ្លួន​ចំនួន​៣លើក
   នៅក្នុង​សាល​ប្រជុំ Conventional Hall នៃទីក្រុង ហស់ស្តុន (Houston)
   ​រដ្ឋ​តិចសាស នៅក្នុង​ការ​ប្រកួត​​ប្រជែង​​ពាន​​រង្វាន់ I-Sweeep
   ដែល​ត្រូវ​បាន​រៀប​ចំ​ជា​រៀង​រាល់​ឆ្នាំ​ [ I-Sweeep
   គឺ​ជា​ការ​ប្រកួត​អូឡាំព្យាដ​​អន្តរ​ជាតិ ស្តីពី​ថាមពល មេកានីច
   និង​បរិស្ថាន សំដៅស្វែង​រក​
   និង​លើក​ទឹកចិត្ត​អ្នក​​វិទ្យាសាស្រ្ត​វ័យ​ក្មេង​នៅ​ទូទាំង​ពិភព​លោក]។
   មុនដំបូង​
   យុវតី​​កម្ពុជា​រូប​នេះ​ត្រូវ​បាន​គណៈមេប្រយោគ​​នៃ​សាកល​វិទ្យាល័យ Fatih
   ប្រកាស​ឈ្មោះ​​ជា​អ្នក​ទទួល​បាន​ជ័យ​លាភី​​អាហារូបករណ៍សិក្សា​នៅ​សាកលវិទ្យ
   ាល័យនៃ​ប្រទេស​ទួរគី​​នេះ​ រយៈ​ពេល​៤​ឆ្នាំ​ លើ​ផ្នែក​វិទ្យាសាស្រ្ត​​។
   បន្ទាប់​មកទៀត
   កញ្ញា​ត្រូវ​បាន​ហៅឡើង​ទទួល​ជ័យលាភី​មេដាយ​មាស​ផ្នែក​ថាមពល​​ថ្មី
   ដែល​ពាន​រង្វាន់​នេះ​ភ្ជាប់​ជាមួយ​នូវ​ទឹក​ប្រាក់​១ពាន់​ដុល្លារ។
   ជា​ចុង​ក្រោយ កញ្ញា​ម៉ានីន
   បាន​ទទួល​ពាន​រង្វាន់​នៃការ​ផ្តួច​ផ្តើម​គំនិត​ថ្មី​ក្នុងការ​ដោះ​ស្រាយ​ប្
   រើប្រាស់​ថាម​ពល​  ផ្តល់​​ដោយ​សហគ្រាស​ឯក​ជន​ Ege Construction។​

   សំអាង​ ម៉ានីន សិស្ស​ពូកែ​មួយរូបមក​ពី​វិទ្យាល័យ​ឯក​ជន​មួយ
   នៅ​ទីក្រុង​ភ្នំពេញ បាន​រៀប​រាប់​ បែប​ចំអក​ចំអន់​លេង​ថា
   «នៅ​ពេល​ខ្ញុំ​ទទួល​ពានរង្វាន់​ទី១
   មិន​សូវ​ជា​មាន​ស្នូរ​ទះដៃ​ច្រើន​​​​នោះទេ
   ព្រោះ​ជន​ជាតិ​​កម្ពុជា​មាន​វត្តមាន​នៅទីនោះ​តិច​ណាស់។ ប៉ុន្តែ
   នៅ​ពេល​ខ្ញុំ​ត្រូវ​បាន​​ហៅ​ឡើង​ទទួល​ពាន​រង្វាន់​ជា​បន្ត​បន្ទាប់
   អ្នក​ចូល​រួម​មក​ពី​ប្រទេស​ផ្សេងៗ​បាន​សំដែង​ការ​​អប​អរ​សាទរ​យ៉ាង​កក់​ក្ត
   ៅ!»។ ទោះបី​ជា​មេដាយ​នៅក្នុងការ​ប្រកួត​ប្រជែង​នេះ​មាន​ច្រើន​ក៏​​ដោយ
   (នៅក្នុង​ផ្នែក​ Energie Senior របស់​ម៉ានីន
   សិស្ស​វិទ្យាល័យ​៨នាក់​ផ្សេង​ទៀត​បាន​ទទួល​មេដាយ​មាស)
   គ្មាន​អ្នក​ចូលរួម​ប្រកួត​​​​ណាមួយ​មាន​កិត្តិយស​ទទួល​បាន​​ពាន​រង្វាន់​​ប
   ី​តែ​ម្នាក់​ឯង​​ដូច​ម៉ានីន​ឡើយ។

   ភាព​ហ្មត់​ចត់​នៅក្នុង​ការ​ងារស្រាវ​ជ្រាវ​
   នៅ​ពេល​ត្រឡប់​មក​ទីក្រុង​ភ្នំពេញ​វិញ
   ម៉ានីន​កាន់តែ​​មាន​សេចក្តី​ត្រេក​អរ​ចំពោះ​ជ័យ​ជំនះ​របស់​​ខ្លួន
   ព្រោះ​កញ្ញា​ស្ទើរ​តែ​បោះ​បង់​ចោល​ការ​ប្រកួត​​នេះទៅហើយ
   នៅរយៈ​ជិត​​ពីរ​សប្តាហ៍ មុន​​ការ​​ធ្វើ​ដំណើរ​​​ទៅកាន់​រដ្ឋ​តិចសាស់។​
   ម៉ានីន​​បាន​ចំណា​យ​ពេលវេលា​ទាំង​ថ្ងៃ ​ទាំង​យប់
   លើ​​គម្រោង​​​​​ស្រាវ​ជ្រាវ​របស់​ខ្លួន​ រហូត​ដល់​ភ្លេច​បាយ​ ភ្លេច​ទឹក
   មិន​មាន​ពេលវេលា​ដើរ​​លេង​កម្សាន្ត​...។ ប៉ុន្តែ
   រូបមន្ត​ជីវៈឥន្ធនៈ​ចំរាញ់​​ចេញ​ពី​ផ្លែល្ហុង​ខ្វង​​របស់​ម៉ានីន​មិន​ទទួល​
   បាន​ជោគ​ជ័យ​សោះ​...។ លោក​ស្រី​វេជ្ជបណ្ឌិត ហេង ចាន់លីដា
   ដែល​ជា​ម្តាយ​របស់​ម៉ានីន បាន​រម្លឹក​ថា
   នៅ​រយៈ​ពេល​​១០​ថ្ងៃ​មុន​ការ​ប្រកួត
   លោក​ស្រី​បាន​សុំ​អោយ​កូន​បោះ​បង់​ការ​ប្រកួត។ យុវតី​សំអាង​ ម៉ានីន
   បាន​រៀប​រាប់ទាំង​អារម្មណ៍​​រីក​រាយ​​ថា
   «ខ្ញុំ​បាន​​ចំណាយ​ពេល​ធ្វើការ​ស្រាវ​ជ្រាវ​លើ​​គម្រោង​នេះ
   អស់​រយៈពេល​ជិត​​​៣ខែ​មកហើយ ហើយ​​នៅ​រយៈ​ពេល​នោះ
   ខ្ញុំ​​បាន​​ជួប​នឹង​បរាជ័យ ច្រើន​​ជាង​ជោគជ័យ។
   រូប​មន្ត​ដែល​​​ខ្ញុំ​ស្វែង​រក​នៅ​លើ​អ៊ីន​ធឺណែត
   មិន​មាន​​ភាព​​ពេញ​លេញ​គ្រប់​​គ្រាន់​សម្រាប់​សម្រេច​ជោគ​ជ័យ​​នោះទេ។
   ខ្ញុំ​ត្រូវ​ស្វែង​​​រក​​ធាតុ​ផ្សំ​​បន្ថែម ​​ពី​ត្រង់​នេះ​បន្តិច
   ត្រង់​នោះ​បន្តិច មក​គួប​ផ្សំ​គ្នា...។
   ដើម្បី​​​​ផលិត​ជីវៈឥន្ធនៈ​​របស់​ខ្ញុំ​​អោយ​​សម្រេច​បាន​ជោគជ័យ
   ខ្ញុំ​បាន​គួប​រូប​មន្ត​ផ្សេងៗ​​បញ្ជូល​គ្នា
   ខ្ញុំ​ធ្វើការ​​ងារ​នេះ​ដោយ​​​ការ​ព្យាយាម​​​និង​​ហ្មត់​ចត់បំផុត
   ហើយខ្ញុំ​បាន​សុំ​ដំបូន្មាន​មួយ​​ចំនួន​ពី​សាស្រ្តា​ចារ្យ​​​គីមីវិទ្យា​រប
   ស់​ខ្ញុំ​»។ អ្នក​វិទ្យាសាស្រ្ត​វ័យ​ក្មេង​រូប​នេះ​បាន​រៀប​ចំ​ឧបករណ៍
   និង​សម្ភារៈ​ពិសោធន៍​​ផ្ទាល់​ខ្លួន ដោយ​​​មានការ​ជួយ​ជ្រោម​ជ្រែង​ពី​ឪពុក​
   និង​ឪពុក​​ធំ​​របស់​​កញ្ញា។

   នៅ​ទីក្រុង​ភ្នំពេញ
   យុវតីវិទ្យាល័យ​រូប​នេះ​​បាន​ទទួល​ការ​ជួយជ្រោម​ជ្រែង​យ៉ាង​កក់​ក្តៅ​ពី​​ស
   ំណាក់​គ្រួសារ ប៉ុន្តែ​ទោះ​យ៉ាង​ណា​
   នា​ង​ត្រូវ​ឡើង​ការពារ​គម្រោង​របស់​ខ្លួន​តែ​ម្នាក់​ឯង
   នៅ​ក្នុង​ការ​ប្រកួត​អូឡាំព្យាដ ក្នុងចំណោម​បេក្ខជន​ចូលរួម​ប្រកួត​ចំនួន​១
   ២០០នាក់ ​មកពី​៦០​ប្រទេស
   និង​នៅ​ចំពោះមុខ​​​គណៈមេប្រយោគ​មិនតិច​ជាង​២១៦នាក់
   ដែល​តំណាង​អោយ​សាកល​វិទ្យាល័យ និង​សហគ្រាស​សហរដ្ឋ​អាមេរិក និង​​​បរទេស។
   នៅ​អំឡុង​រយៈ​ពេល​៦​ម៉ោង​ កញ្ញា ម៉ានីន បានរៀប​ចំ​ឧបករណ៍​របស់ខ្លួន
   ត្រៀម​លក្ខណៈ​ឆ្លើយ​ទៅ​នឹង​សំណួរ​របស់​​​មេប្រយោគ។
   អ្នក​វិទ្យាសាស្រ្ត​វ័យ​ក្មេង​រូប​នេះ​បាន​រៀប​រាប់​ថា
   «មេ​ប្រយោគ​​អាច​ឡើង​មក​សួរ​សំណួរតែ​ម្នាក់ឯង រឺ​ជា​ក្រុម ដែលមាន​គ្នា ពី២
   ទៅ​៤នាក់។ ខ្ញុំ​​មាន​រយៈ​ពេល​៧ ទៅ​ដប់​​នាទី
   ដើម្បី​បង្ហាញ​គម្រោង​របស់​ខ្ញុំ។ បន្ទាប់​
   មេប្រយោគ​​​ចាប់​ផ្តើម​សួរ​សំណួរ​ខ្ញុំ​ ដោយ​សេរី​ ក្នុង​រយៈ​ពេលចន្លោះ​២០
   ទៅ​៣០នាទី!»។

   ដំណើរការ​ដ៏​ល្អ​ឥត​ខ្ចោះ​មួយ
   សម្រាប់​ម៉ានីន ការងារ​លំបាកបំផុត​ត្រូវ​បាន​ធ្វើ​រួច​រាល់​អស់​ហើយ។
   កញ្ញា​បាន​គូស​បញ្ជាក់​ថា «ខ្ញុំ​មានទំនុកចិត្ត​លើ​ខ្លួនខ្ញុំ
   ​ព្រោះ​គម្រោង​របស់​ខ្ញុំ​មាន​ភាព​​ច្បាស់លាក់ណាស់​​។
   នៅ​អំឡុង​​​រយៈពេល​ស្រាវ​ជ្រា​វ​៣ខែ​របស់ខ្ញុំ
   ខ្ញុំ​ស្គាល់​រស​ជាតិ​បរាជ័យច្រើន​ជាង​រស​ជាតិ​ជោគ​ជ័យ»។ ដូចនេះ
   សិស្ស​វិទ្យាល័យ​រូប​នេះ​មិន​​មាន​ការ​លំបាក​ក្នុងការ​ពន្យល់​ប្រាប់​អំពី​
   រូប​មន្ត​ផ្សំ​​នៃ​ជីវៈឥន្ធនៈ​របស់​ខ្លួន​នោះទេ។
   កញ្ញា​អាច​ផលិត​​ប្រេង​ឥន្ធនៈ​ ​មួយលីត្រ សម្រាប់​គ្រាប់​​​ល្ហុង​ខ្វង​
   ទម្ងន់​​​​​៣គីឡូក្រាម​។ សម្រាប់​ដំណើរការ​ផលិត​ប្រេង​ឥន្ធនៈ ជា​បឋម
   ម៉ានីនបាន​​​បំលែង​គ្រាប់​ល្ហុង​ខ្វង​ជា​ប្រេង​ រួចទុកច្រោះ​ចោលរយៈពេល​៣
   ទៅ​៥​ថ្ងៃ។ ក្រោយមក នាង​ទទួល​សូលុយស្យុង​មួយ ដែល​មាន​កំហាប់ខ្ពស់
   ហើយ​នាង​ត្រូវ​យក​កករ​ចេញ​ពីសូលុយ​ស្យុង​នោះ​
   ដូច​ជា​ករណី​ប្រេង​ឥន្ធនៈ​ផលិត​ចេញ​ពី​ប្រេង​រុក្ខជាតិ​ដែរ
   ដើម្បី​​អាច​ប្រើ​ប្រាស់​ជាមួយ​ម៉ាស៊ីន​​ប្រើ​ប្រេង​ម៉ាស៊ូត​ធម្មតា​។​
   «ប្រសិន​ជា​ខ្ញុំមាន​ឱកាស​បន្ត​ការ​ស្រាវ​ជ្រាវ​ទៀត
   ខ្ញុំ​សង្ឃឹម​ថា​​នឹង​អាច​កាត់​បន្ថយ​កំហាប់ ដែល​មាន​កំរិត​ខ្ពស់
   ដែល​មាន​នៅ​ក្នុង​​ជីវៈឥន្ធនៈ​នេះ​​បាន​ (ជា​ទូទៅ វា​មាន​​​ពី​១០
   ទៅ​៣០%)»។​

   ម្តាយ​របស់​កញ្ញា​ម៉ានីន បាន​រៀប​រាប់​ថា កាល​ពី​ក្មេង
   ម៉ានីន​ចូលចិត្ត​មើល​រឿង​មនុស្ស​យន្ត​ និង​ពិភព​​ចម្លែកៗ
   ហើយ​សព្វ​ថ្ងៃ​នេះ គាត់​មាន​មោទនចំពោះ​កូន​​ស្រី​របស់​គាត់
   ដែល​ចូល​ចិត្ត​រៀន​សូត្រ​ធ្វើ​ជា​បញ្ញវន្ត
   ​មិន​ភ្លើត​ភ្លើន​នឹង​គ្រឿង​អលង្ការ និង​សំលៀក​បំពាក់​ហ៊ឺហារ​​។ ដោយ​​ឡែក
   សំអាង ​ម៉ានីន បាន​​បញ្ជាក់​​​ថា
   នាង​ត្រៀម​លក្ខណៈ​ស្វែង​យល់​អំពី​​ពិភព​លោក​។
   នាង​នឹង​​​​បន្ត​ការ​សិក្សា​​នៅ​បរទេស អាច​នៅ​ប្រទេស​ទួរគី
   រឺ​សហរដ្ឋ​អាមេរិក​។ នាង​នឹង​ធ្វើការ​ផ្សព្វផ្សាយ​​អំពី​ប្រទេស​កម្ពុជា​
   ​អោយ​ពិភពលោក​បាន​ស្គាល់​​។​ ម្យ៉ាង​វិញ​ទៀត​
   នាង​​ត្រូវ​ការ​អោយ​​យុវជន​រួម​ជាតិ​ធ្វើការ​ប្រកួត​​​ប្រជែង​
   ​​ដូច​ជា​រូប​នាង ដើម្បី​ទទួល​បាន​ជោគ​ជ័យ​ទាំង​៣​នេះ។​ សំអាង
   ម៉ានីន​​បាន​ធ្វើការ​សន្និដ្ឋាន​ចុង​ក្រោយ​​​ថា
   «ប្រសិនជា​យើង​មិន​ខិត​ខំ​ប្រឹងប្រែង​នោះ​ទេ
   យើង​ក៏មិន​អាច​សម្រេច​គោលដៅ​របស់យើង​បាន​ដែរ»។​

     __________________________________________________________________

    អាន​បន្ថែមៈ

   -ម៉ូនីកា យុវតីវិទ្យាល័យ ក្លាយជាអ្នករកឃើញជីវៈឥន្ធនៈពីផ្លែដូង
   (២៦-០៦-២០០៨)
   -ប្រេងឥន្ធនៈពីអង្កាម (០៣-០៧-២០០៨)
   -វេជ្ជសាស្ត្របុរាណធ្វើអោយសត្វនិងរុក្ខជាតិទទួលរងនូវការគំរាមកំហែង
   (១៨-០៧-២០០៨)
     __________________________________________________________________

                      0 អធិប្បាយ


   ផ្តល់សេចត្តីអធិប្បាយ

   អ៊ីមែល៖

                       ______________________________
                          ចំណងជើង៖

   ________________________________________

   ឈ្មោះ៖

   ________________________________________

   វ៊ិបសាយ៖

   ________________________________________

   [b]   [i]   [u]   [url]   [quote]   [code]   [img]
   [-color-] [-size-]


   ________________________________________
   ________________________________________
   ________________________________________
   ________________________________________
   ________________________________________
   ________________________________________
   ________________________________________
   ________________________________________
   ________________________________________
   ________________________________________


                [BUTTON Input] (not implemented)____________

                       _______________
                                       Security Image

   សូមបញ្ជូលកូតដែលលោក​អ្នកឃើញនៅក្នុងរូប ។ ចុចលើរូប​ដើម្បី​ប្តូររូ​ប ។
   យើង​ខ្ញុំ​សូ​​មអរគុណ​ចំពោះ​អត្ថា​ធិប្បាយ​របស់​អស់​លោក​អ្នក ។
   រាល់​អត្ថាធិប្បាយ​ទាំង​អស់​មិន​​ត្រូវ​​សរ​សេរ​អោយ​លើស​ពី​១៦​បន្ទាត់​ទ្ប
   ើយ ។ សូម​បញ្ជាក់ថា កាសែត​
   មិនទទួលខុសត្រូវរាល់​អត្ថា​ធិប្បាយ​ណា​ដែល​បាន​ផ្សព្វផ្សាយ​នៅ​ក្នុង​​ផ្នែ
   ក អត្ថាធិប្បាយ ទ្បើយ។
   រាល់អត្ថាធិប្បាយ​ទាំង​អស់​ឆ្លុះ​បញ្ចាំង​ពី​ទស្សនៈ​របស់​អ្នក​អាន
   មិន​​មែន​ជា​ទស្សនៈ​របស់​ផ្នែក​និពន្ធ​យើង​ទេ។
   ចំពោះ​ព័ត៌​មាន​បន្ថែម​សូមទាក់​ទង​យើង​ខ្ញុំ​តាម​រយៈអ៊ីម៉ែល Cet e-mail
   est protégé contre les robots collecteurs de mails, votre navigateur
   doit accepter le Javascript pour le voir

3.26 Copyright (C) 2008 Compojoom.com / Copyright (C) 2007 Alain Georgette /
Copyright (C) 2006 Frantisek Hliva. All rights reserved."

   [ថយក្រោយ]

អត្ថបទបន្ថែម



   -ម៉ូនីកា​ យុវតី​វិទ្យាល័យ ក្លាយ​ជា​អ្នក​រក​ឃើញ​ជីវៈ​ឥន្ធនៈ​ពី​ផ្លែ​ដូង
   (២៦-០៦-២០០៨)
   -ប្រេង​ឥន្ធនៈ​ពី​អង្កាម (០៣-០៧-២០០៨)
   -វេជ្ជសាស្ត្រ​បុរាណ​ធ្វើ​អោយ​សត្វ​និង​រុក្ខជាតិ​ទទួល​រង​នូវ​ការ​គំរាម​ក
   ំហែង (១៨-០៧-២០០៨)

   Empower your lifestyle with BlackBerry from Hello



   ដំណឹងថ្មីៗ
     * សម្ព័ន្ធ​អង្គការ​ក្រៅ​រដ្ឋាភិបាល​កម្ពុជា​អំពាវ​នាវ​អោយមានការ​ដោះលែង
       ​លោក​ស្រី អោង សាន​ស៊ូជី ជា​បន្ទាន់​ (២៧/០៥/២០០៩)
     * សាលាក្តី​​​ខ្មែរ​ក្រហមៈ ជប៉ុន​ផ្តល់ជំនួយ​៤លាន​ដុល្លារ
       និងសំដែង​ក្តី​រីករាយ​ជាមួយ​ប្រទេស​បារាំង​​ចំពោះ​វិធាន​ការ​ប្រឆាំង​អ
       ំពើ​ពុក​​រលួយ (៣០/០៤/២០០៩)
     * គ្រួសារ​ចុង​ក្រោយ​ដែល​រស់នៅ​ក្នុង​បរិវេណ​វិទ្យាល័យ Descartes
       ធ្វើការ​អំពាវ​នាវ​ទៅ​ស្ថាន​ទូត​​បារាំង (៣០/០៤/២០០៩)
     * មួរ សុខ​ហួរ-ហ៊ុន សែនៈ នាយក​រដ្ឋមន្រ្តី​​ថាខ្លួនជា​ជន​រង​គ្រោះ
       ខណៈ​ពេល​អង្គការ​ក្រៅ​រដ្ឋាភិបាលរិះ​គន់​ការ​​គំរាម​កំហែង​របស់​សម្តេច
       (២៩/០៤/២០០៩)
     * សម្តេច​ហ៊ុន សែន​
       វាយ​បក​ទៅលើ​ពាក្យ​បណ្តឹង​​​បទ​​បរិហារកេរ្តិ៍​របស់លោកស្រី​មួរ សុខហួរ
       (២៧/០៤/២០០៩)

   បណ្ណសារនៃដំណឹងថ្មីៗ

   រក្សាសិទ្ធិគ្រប់យ៉ាង  |  កាសែត  |  អំពីយើងខ្ញុំ  |
   លក្ខខណ្ឌក្នុងការប្រើប្រាស់  |  ទាក់ទងយើងខ្ញុំ
   កាសែត
   សូមរក្សាសិទ្ធិគ្រប់យ៉ាងរាល់ការយកព័ត៌មានលើវិបសាយនេះទៅផ្សព្វផ្សាយបន្ត